Бишкек, 13.03.25. /Кабар/. Бишкек шаарында 13-14-март күндөрү жалпы билим берүү предметтери боюнча мектеп окуучуларынын олимпиадасынын шаардык этабы өткөрүлөт.
Мэриядан билдиришкендей, олимпиаданын негизги милдеттери окуучулардын предметтерге болгон кызыгуусун арттыруу, жогорку класстын окуучуларына кесип тандоодо жардам берүү, илимий чыгармачылыкка болгон жөндөмдүүлүгү жана кызыгуусу жогору окуучулардын чыгармачылык демилгелерин аныктоо жана өнүктүрүү болуп саналат.
Белгилей кетсек, бул иш-чара жыл сайын өткөрүлүп турат. Быйылкы жылы И.Раззаков атындагы КМТУнун базасында математика, физика, химия предметтери боюнча, №67 мектептин базасында кыргыз тили, орус тили, англис тили, биология, география, тарых предметтери боюнча өтүүдө.
2025-жылдагы мектеп окуучуларынын шаардык олимпиадасына борбор калаадагы жалпы билим берүүчү мектептердин 162 окуучусу катышып, алар олимпиаданын райондук этабында биринчи жана экинчи орунду ээлешти.
Шаардык олимпиаданын 1, 2-орунду ээлеген жеңүүчүлөрү республикалык этапка катышат.
