Бишкек, 12.02.26. /Кабар/. Бүгүн таң эрте Өзгөчө кырдаалдар министрлигинин өздүк курамына айгай жарыяланып, эки күндүк штабдык машыгуу өз ишин баштады.
Министрликтен билдиришкендей, машыгуунун алкагында өзгөчө кырдаалдар министринин орун басары Урматбек Шамыркановдун жетекчилигинде Жарандык коргонуу күчтөрүнүн даярдыгын жогорулатуу боюнча жыйын өттү.
Анда табигый жана техногендик мүнөздөгү өзгөчө кырдаалдар катталган учурда калкты жана аймактарды коргоо, мамлекеттик тутумдун күч-каражаттарын ыкчам даярдыкка келтирүү маселелери талкууланды.
Жыйында төмөнкү негизги багыттарга өзгөчө көңүл бурулду:
- Жарандарды коопсуз жайларга эвакуациялоону уюштуруу;
- Авариялык-куткаруу жана башка кечиктирилгис иштерди жүргүзүү;
- Кошумча күчтөрдү тартуу жана гуманитардык жардамдарды бөлүштүрүү;
- Кырсыктын кесепеттерин жоюу жана калыбына келтирүү иштери.
Белгилей кетсек, бул иш-чара өзгөчө кырдаалдар министри Бообек Ажикеевдин буйругу менен жарандык коргонуунун натыйжалуулугун арттыруу максатында өткөрүлүүдө.
