Бишкек, 12.03.26. /Кабар/. Кыргызстанда Киберкоркунучтарды мониторинг кылуу борборун түзүү долбоорунун биринчи этабы ийгиликтүү аяктады. Бул тууралуу Санариптик өнүктүрүү жана инновациялык технологиялар министрлигинен билдиришти.
Бүгүн министр Азамат Жамангулов жана Эл аралык электр байланыш союзунун өкүлү Наталья Мочу Киберкоркунучтарды мониторинг кылуу борборун түзүү долбоорунун алгачкы жыйынтыктарын талкуулашты.
"Долбоордун алкагында киберкоркунучтарды аныктоочу пилоттук мониторинг системасы ишке кирди. Бул система тармактагы коркунучтарды талдоого жана коопсуздукту күчөтүүгө жардам берет", - деп айтылат маалыматта.
Белгиленгендей, кийинки этапта системанын мүмкүнчүлүктөрүн кеңейтүү жана аналитикалык инструменттерди өнүктүрүү пландалууда.
