Бишкек, 23.05.25. /Кабар/. «Көгүлтүр Ысык-Көл» санаторийинин 3-корпусунда капиталдык оңдоп-түзөө иштери аяктады.
Президенттин Иш башкармалыгынан билдиришкендей, заманбап шарттагы 200дөн ашык орундуу номерлер пайдаланууга берилди. Ар бир бөлмө жаңы эмерек, техника жана санитардык түйүндөр менен камсыздалган.
Президенттин Иш башкармалыгынын жетекчиси Каныбек Туманбаев белгилегендей, акыркы үч жылда өлкөбүздө бардык тармактарда, анын ичинде санаторийлер багытында да ири өзгөрүүлөр жүрүп жатат.
"Биздин башкы максатыбыз — элдин жашоо шартын жакшыртып, ден соолугун чыңдоо үчүн мыкты шарттарды түзүү. Бул — президентибиз тарабынан берилген түз тапшырма”,-— деп белгиледи Туманбаев.
Белгилей кетсек, дарылоо-сууда сүзүүчү бассейнди оңдоо иштери соңуна чыгып калды, ал эми жаңы поликлиника менен жээкке жакын жайгашкан корпустун курулуш иштери кызуу жүрүүдө.
