Бишкек, 16.08.26. /Кабар/. Бишкекте VI Дүйнөлүк көчмөндөр оюндарынын салтанаттуу ачылыш аземине жана Шанхай кызматташтык уюмунун саммитине карата атайын фан-зоналар уюштурулат.
Мэриядан билдиришкендей, анда борбор калаанын тургундары жана коноктору ачылыш аземин, ошондой эле эл аралык саммиттин негизги иш-чараларын түз эфирде LED-экрандар аркылуу көрө алышат.
Негизги фан-зона Ала-Тоо аянтында болот. Мындан тышкары, шаар тургундарына ыңгайлуу болушу үчүн төрт райондо фан-зоналар иштейт.
Октябрь району:
- Тунгуч кичи районундагы “Тунгуч-1” сквери;
- “Ынтымак-2” паркындагы амфитеатр;
- Д. Асанов атындагы парк.
Ленин району:
- Фучик атындагы парк;
- Ак-Өргө конушундагы “Ашар” паркы;
- Жал кичи районундагы “Муун” сквери.
Биринчи май району:
- Ч. Түлөбердиев атындагы парк — Көкчөтай жана Түлөбердиев көчөлөрүнүн кесилиши;
- Токтоналиев көчөсү, 62 дарегиндеги спорт комплекси;
- Ак-Босого конушундагы сквер — Чүй көчөсү, 52.
Свердлов району:
- Үсөнбаев көчөсү, 200/1 дарегиндеги “Алга” спорт комплекси;
- Чыгыш-5 кичи районундагы №66 орто мектеп;
- Энесай 1-көчөсү, 1 дарегиндеги №21 орто мектеп.
Белгилей кетсек, түз эфир башталганга чейин кыргыз эстрада ырчыларынын жана чыгармачыл топтордун катышуусунда концерттик программалар уюштурулат. Мындан тышкары, аянтчаларда фотозоналар, көргөзмө жайлары, фуд-корттор жана эс алуу зоналары иштейт.
Ошондой эле коноктор үчүн улуттук оюндарга — тогуз коргоол, чүкө, беш таш жана башка интерактивдүү программа даярдалат.
Фан-зоналардын иштөө убактысы тууралуу кошумча маалымат берилет.
