Бишкек, 25.08.26. /Кабар/. 1-сентябрдан 6-сентябрга чейин Ысык-Көлдө өтө турган VI Дүйнөлүк көчмөндөр оюндарынын негизги аянтчаларында Саламаттык сактоо министрлигинин медициналык кызматтары нөөмөттө турушат. Бул тууралуу оюндардын медиа штабы билдирет.
Медициналык жардам төмөнкү жерлерде уюштурулат:
- Көчмөндөр цивилизациясынын музейи, Өрнөк айылы;
- “Рух Ордо”, Чолпон-Ата шаары;
- Ипподром жана дене тарбия-чыңдоо комплекси, Чолпон-Ата шаары;
- “Дордой Номад”, Бостери айылы;
- Кырчын капчыгайы.
Маалыматка ылайык, Кырчын капчыгайына жүз миңге чейин коноктун келиши күтүлүп жаткандыктан, бул жерде эң чоң медициналык камсыздоо уюштурулат.
