Бишкек, 26.11.25. /Кабар/. Казакстандын маданият жана маалымат министри Аида Балаева Ош шаарындагы Сулайман -Тоо музей комплекси менен таанышты. Бул тууралуу Маданият, маалымат жана жаштар саясаты министрлигннен билдиришти.
Маалыматка ылайык, делегацияга комплекстин башкы директору Медербек Эсенгелдиев музейдин экспозиция залы боюнча маалымат берип, Казакстандын музейлери, анын ичинде Таңбалы мамлекеттик музей коругу менен жүргүзүлүп жаткан кызматташуу жана биргелешкен иштерге токтолду.
Музейдин иши менен таанышууга Казакстандын Оштогу башкы консулу Мухтар Карибай жана жергиликтүү бийлик өкүлдөрү да келишти.
Иш сапар маданий кызматташтыкты чыңдоого жана эки өлкөнүн музей ишин өркүндөтүүгө багытталган маанилүү жолугушуулардын бири болду.
