Бишкек, 30.10.25. /Кабар/. Казакстан 2029-жылга карата ички дүң продуктуну 450 млрд долларга чейин эки эсеге көбөйтүүнү жана 150 млрд доллардан кем эмес инвестиция тартууну көздөөдө.
Азертадж Казакстандын премьер-министринин расмий маалымат ресурсуна таянып билдиргендей, инвестициялык саясаттын концепциясы 2029-жылга чейин жаңыртылып, бирдиктүү бизнес-экосистеманы түзүүдө.
Учурда инвестициялык штаб түзүлүп, улуттук санариптик инвестициялык платформа ишке киргизилди.
Ошондой эле "Инвестицияга заказ" принциби киргизилди — бул атаандаштык артыкчылыктарды эске алуу менен аймактык жана тармактык сунуштарды түзүүнү билдирет.
Баасы 60 млн доллардан ашкан долбоорлор үчүн 25 жылга чейин мыйзамдардын туруктуулугуна кепилдик берген инвестициялык келишимдер каралган. 2024-жылы мындай 6 келишим, ал эми 2025-жылы дагы 21 келишим түзүлгөн.
