Бишкек, 29.09.26. /Кабар/. Кыргызстанда улуу муундагы жарандардын жашоо сапатын жакшыртуу жана активдүү узак жашоону камсыз кылуу боюнча чаралар талкууланды. Бул тууралуу Эмгек, социалдык камсыздоо жана миграция министрлигинен билдиришти.
Иш-чарада улуу муундагы жарандарга карата мамлекеттик саясаттын жыйынтыктары каралып, саламаттык сактоо, социалдык коргоо, иш менен камсыз кылуу жана коомдук активдүүлүктү колдоо багыттары белгиленди.
Ошондой эле 2030-жылга чейин Активдүү узак жашоо боюнча мамлекеттик программанын долбоору иштелип чыкканы маалымдалды. Анда гериатрия жана геронтологияны өнүктүрүү, жашоо сапатын жакшыртуу жана улуу муундагы жарандардын коомдук жана эмгектик активдүүлүгү үчүн мүмкүнчүлүктөрдү кеңейтүү чаралары каралган.
Улуттук статистика комитетинин маалыматы боюнча, 65 жаштан жогорку жарандар өлкө калкынын болжол менен 6 пайызын түзөт.
