Бишкек, 25.06.26. /Кабар/. Кечээ, 24-июнда саат 21:20 чамасында катуу жааган жамгырдын кесепетинен Кара-Суу районундагы Жаңы-Арык – Кызыл-Суу унаа жолунун бир нече чакырымын сел каптады.
Транспорт жана коммуникациялар министрлигинен билдиришкендей, табигый кырсык болгон жерге атайын техникалар ыкчам тартылып, №45 Жол эксплуатациялоо мекемеси тарабынан тазалоо иштери жүргүзүлдү.
"Натыйжада жолдогу каттам эки тараптуу калыбына келтирилди. Учурда жолду кеңейтүү иштери улантылууда", - деп айтылат маалыматта.
Мындан тышкары, Кара-Сөгөт айылында да сел жүрүп, учурда тазалоо иштери жүрүүдө. Жол каттамы үзгүлтүксүз камсыздалууда
