Бишкек, 28.11.25. /Кабар/. "Кара-Балта – Чалдыбар унаа жолун реконструкциялоо" долбоору үчүн 15 млн евро грант жана техникалык колдоо көрсөтүлөт. Бул тууралуу Өзбекстандын Ташкент шаарында өткөн Транскаспий транспорт коридору жана өз ара байланыш боюнча инвесторлор форумунда белгилүү болду.
Иш-чарага транспорт жана коммуникациялар министринин орун басары Бекназар Базаралиев катышканын ведомстводон билдиришти.
Форумдун алкагында Европа реконструкциялоо жана өнүктүрүү банкы (ЕРӨБ) менен Европа банкынын ортосунда "Кара-Балта – Чалдыбар автожолун реконструкциялоо" долбоору үчүн 15 млн евро өлчөмүндө грант жана техникалык колдоо көрсөтүү тууралуу макулдашууга кол коюлду.
Бекназар Базаралиев Транспорттук инфраструктураны өнүктүрүүгө эл аралык донорлор да маанилүү салым кошуп жатканын, алардын негизги өнөктөштөрүнүн бири Европа реконструкция жана өнүктүрүү банкы экенин баса белгиледи.
