Бишкек, 20.03.26. /Кабар/. Т.Усубалиев атындагы эски аянтта өткөн Орозо айт намазы учурунда коомдук коопсуздук камсыздалды. Бул тууралуу ИИМден билдиришти.
Маалыматка ылайык, миңдеген адам чогулган айт намазда коомдук тартипти жана коопсуздукту 12 миңден ашуун ички иштер органдарынын кызматкерлери камсыз кылышкан.
Милициянын кошумча күчтөрү тартылып, жол кыймылын жөнгө салуу жана кайгуул күзөт күчөтүлгөн. Кабыл алынган чаралардын аркасында иш-чара эч кандай кырсыксыз, тынч өттү.
“Ички иштер министрлиги массалык иш-чараларды өткөрүүдө жарандардын коопсуздугун камсыз кылууну жогорку деңгээлде улантууда”, — деп айтылат маалыматта.
