Бишкек, 09.09.25. /Кабар/. 8-сентябрда Түрк Универсиадасынын алкагында волейбол боюнча мелдештер аяктап, жеңүүчүлөр сыйланды. Бул тууралуу Дене тарбия жана спорт мамлекеттик агенттигинен билдиришти.
Белгиленгендей, 5-сентябрда волейбол боюнча кыз-келиндер жана эркектер арасындагы мелдештер башталган.
Жыйынтыгында эркектер арасында биринчи орунду Кыргызстандын, экинчи орунду Өзбекстандын, үчүнчү орунду Казакстандын командасы алды.
Ал эми кыз-келиндер арасында Өзбекстандын командасы биринчи орунду алса, Кыргызстандын командасы экинчи орун, Казакстандын командасы үчүнчү орунга ээ болду.
Ошондой эле, эркектер жана кыз-келиндер арасында “Мыкты оюнчу”, “Мыкты чабуулчу”, “Мыкты коргоочу”, “Мыкты тосмочу” номинациялары аныкталды.
Эске салсак, 4-сентябрда Чолпон-Ата шаарында III Түрк Универсиадасы башталган.
