Бишкек, 12.11.26. /Кабар/. Кыргызстандын кикбоксинг боюнча улуттук курама командасы Мадрид шаарында өткөн ISKA (Эл аралык спорттук кикбоксинг ассоциациясы) версиясы боюнча дүйнө чемпионатында 9 медаль жеңди. Бул тууралуу Кыргызстандын ISKA кикбоксинг федерациясы билдирди. Бул тууралуу ведомстводон маалымдашты.
Мелдешке дүйнөнүн күчтүү спортчулары катышты. Кыргызстандын өкүлдөрү ар кандай жаш жана салмак категорияларында күч сынашып, К-1 лайт, кик-лайт, муай-тай, лоу-кик жана фулл-контакт дисциплиналары боюнча күмүш жана коло медалдарга ээ болушту.
Кыргызстандык спортчулардын жыйынтыктары:
- Тимурлан Эсенбеков — бир күмүш жана бир коло медаль (18 жаштан жогоркулар, 52 кг чейин);
- Тилек Бапанов — бир күмүш жана бир коло медаль (43–49 жаштагы ардагерлер);
- Эмиль Кинванлун — бир күмүш жана бир коло медаль (14 жашка чейинкилер, 40 кг чейин);
- Ханболот Алиев — эки коло медаль (14 жашка чейинкилер, 45 кг чейин);
- Баяман Уланбеков — бир коло медаль (17 жашка чейинки өспүрүмдөр, 55 кг чейин).
