Бишкек, 15.03.26 /Кабар/. Кыргызстандын тышкы иштер министри Жээнбек Кулубаевдин чакыруусу менен Гананын тышкы иштер министри Сэмюэл Окудзето Аблаква 15–17-март күндөрү Кыргызстанга расмий сапар менен келет.
ТИМден билдиришкендей, расмий сапардын алкагында жогорку жана эң жогорку деңгээлдеги жолугушуулар пландаштырылууда.
Алардын жүрүшүндө Кыргыз Республикасы менен Гана Республикасынын ортосундагы эки тараптуу кызматташуунун келечеги талкууланат.
