Бишкек, 06.08.26 /Кабар/. Филиппиндин жээгинде күчү 5,9 баллга жеткен жер титирөө болду. Бул тууралуу АКШнын Геологиялык кызматына таянып, ТАСС кабарлады.
Маалыматка ылайык, жер титирөөнүн очогу Сарангани провинциясынан түштүк-батышты карай 32 чакырым алыстыкта жайгашып, 10 чакырым тереңдикте катталган.
Учурда жабыркагандар же кыйроолор тууралуу маалымат түшө элек. Ошондой эле цунами коркунучу жарыяланган жок.
