Бишкек, 17.01.26. /Кабар/. Бишкектин Турдакун Усубалиев атындагы аянтында азык-түлүк жарманкеси өтүүдө. Бул тууралуу Суу ресурстары, айыл чарба жана кайра иштетүү өнөр жайы министрлигинен билдиришти.
Жарманкеде сатуучулар өздөрү өндүргөн сапаттуу азык-түлүктөрдү базар баасынан арзан сатышууда. Мисалы, эттин баасы 600 сомдон башталат. Ал эми башка товарлар өндүрүштүк баада коюлган.
Айыл чарба министрлиги учурда өлкөдө негизги азык-түлүк продукциялары боюнча эч кандай тартыштык жок жана кору жетиштүү экендигин билдирет. Жарманке өлкөнүн бардык аймактарында атайын графикке ылайык өтүп турат.
