Бишкек, 23.06.26. /Кабар/. Эртең, 24-июндан тартып Бишкекте Жаш Гвардия бульвары менен Лев Толстой көчөсүнүн кесилиши жабылат.
Муниципалитеттен билдиришкендей, жүргүзүлүп жаткан реконструкция иштерине байланыштуу 5 автобус каттамынын жүрүү багыты убактылуу өзгөрөт.
Өзгөртүүлөр №7, №8, №18, №23 жана №62 каттамдарына тиешелүү. Оңдоо иштери аяктаганга чейин бул автобустар жакын жайгашкан альтернативдүү көчөлөр аркылуу каттайт.
"Бул убактылуу каттамдар жүргүнчүлөр үчүн ыңгайсыздыктарды азайтуу жана коопсуз кыймылды камсыз кылуу максатында иштелип чыккан",-деп айтылат маалыматта.
