Бишкек, 18.02.26 /Кабар/. Эртең, 19-февралда өлкөдө Орозо айы башталат. Бул тууралуу Кыргызстан мусулмандарынын дин башкармалыгынан билдиришти.
Анда белгиленгендей, 18-февраль Шабан айынын отузунчу күнү деп эсептелип, Орозо айынын биринчи күнү 19-февралга туура келүүдө.
Ошондой эле Египет, Иордания, Сирия, Ирак, Иран, Түркия, Казакстан, Өзбекстан, Тажикстан, Түркмөнстан, Азербайжан, Индонезия, Бруней, Оман, Сингапур, Австралия, Япония, Пакистан, Индия, Малайзия жана Түштүк Корея өлкөлөрүндө 19-февраль Орозо айынын башталышы деп белгиленди.
Европа Фатва жана изилдөөлөр кеңеши да 19-февралды Рамазан айынын биринчи күнү деп жарыялады.
