Бишкек, 24.02.26. /Кабар/. Энергетика министрлиги Жогорку Кеңештин Өнөр-жай саясаты, транспорт, отун-энергетикалык комплекс, архитектура жана курулуш боюнча комитетинин жыйынында 2026-жылга карата пландары менен бөлүштү.
Министр Таалайбек Ибраев төмөнкү пландарга токтолду:
- "Камбар-Ата-1" ГЭС долбоору боюнча өкмөттөр аралык келишимди иштеп чыгуу;
- Камбар-Ата-2 ГЭСине жогорку суу өткөргүч жайын куруу долбооруна кол коюу;
- Үч-Коргон ГЭСинин эки гидроагрегатын модернизациялоо иштерин аяктоо;
- Казарман жана Суусамыр — Көкөмерен ГЭСтеринин техникалык-экономикалык негиздемесин иштеп чыгуу жана аяктоо;
- "Кемин — Балыкчы 500" электр берүү чубалгысы боюнча ички процедураларды бүтүрүү, подрядчыны аныктоо жана долбоорлоону баштоо;
- Кара-Кече ЖЭБинин долбоору боюнча инвестициялык келишимге кол коюу жана анын техникалык-экономикалык негиздемесин иштеп чыгуу;
- Жогорку Нарын ГЭСтер каскадын ишке ашыруу планын иштеп чыгуу;
- "Чалдыбар" ГЭСинин долбоорун ишке ашыруу үчүн инвестиция тартуу.
