Бишкек, 25.12.25. /Кабар/. Күн мурун Транспорт жана коммуникациялар министрлиги алыскы аймактардан келген IV Элдик курултайдын делегаттарынын суроо-талабын угуп, жол-транспорт тармагына байланыштуу кайрылууларын каттады. Бул тууралуу ведомстводон билдиришти.
Министр Абсаттар Сыргабаев баштаган министрликтин өкүлдөрү бардык суроолорго ыкчам жооп беришти.
Бул күнү министрликке жол тармагына байланыштуу 237 кайрылуу келип түштү.
Белгилей кетсек, 24-декабрда Т. Абдумомунов атындагы Кыргыз улуттук драма театрында министрликтер жана ведомстволор өлкөнүн 7 облусунан, Бишкек жана Ош шаарынан, этностук өкүлчүлүктөрдөн жана чет өлкөлөрдөгү эмгек мигранттарынан шайланган делегаттарды кабыл алышкан. Алардын суроо-талабын угуу максатында театрдын фойесинде атайын аянтча уюштурулган.
Бүгүн Бишкекте IV Элдик курултай башталат. Иш-чара эки күнгө созулуп, ага 700гө жакын делегат катышуусу күтүлүүдө.
