Бишкек, 13.11.26 /Кабар/. Бишкектин Биринчи май районунун аймагында Милициянын кайгуул кызматы башкармалыгы муниципалдык администрация менен биргеликте рейд өткөрүп, унаасын туура эмес токтотгон 14 айдоочуга протокол түзүлдү. Бул тууралуу мэриядан маалымдашты.
Маалыматка ылайык, рейд жол кыймылынын эрежелеринин сакталышын көзөмөлдөө максатында уюштурулган. Текшерүүнүн жүрүшүндө тыюу салынган жерлерге токтотулган унаалар аныкталып, Укук бузуулар жөнүндө кодексинин 188-беренесинин 1-бөлүгүнө ылайык 14 айдоочуга айып пул салынды.
Ошондой эле ээлери аныкталбаган 5 унаа эвакуацияланып, айып короого жеткирилди.
