Бишкек, 13.11.26. /Кабар/. Бишкек шаарындагы №55 мектептин жаңы имаратынын курулушу дээрлик аяктады. Бул тууралуу Курулуш министрлиги билдирет.
Маалыматка ылайык, 1200 окуучуга ылайыкталган мектептин курулушу февраль айында башталган. Учурда имараттын ичин тазалоо жана мектептин айланасын көрктөндүрүү иштери жүрүп жатат.
Жалпы аянты 5580 чарчы метрди түзгөн мектеп заманбап талаптарга жооп берген окуу класстары, лаборатория, китепкана, ашкана, компьютердик класс, балдар жана кыздар үчүн эмгек кабинеттер, дарыгердин бөлмөсү, жыйындар залы жана спорт зал менен камсыздалат.
Долбоор республикалык бюджеттин жана Турукташтыруу фондунун эсебинен каржыланган.
