Бишкек, 29.04.26. /Кабар/. Жогорку Кеңештин жыйынында депутат Дастан Бекешев "Архстройгрупп" курулуш компаниясына байланыштуу көйгөйлөрдү көтөрдү.
Анын айтымында, 100дөн ашык үй-бүлө үйсүз жана каражатсыз калган. Депутат аталган компания тарабынан Аалы Токомбаев көчөсү, 9 "д" дарегине курулган турак жай комплекси буздурулганын эске салды.
"Соттук териштирүүлөр жүрүп жатат, бирок күнөөлүүлөр ушул күнгө чейин тийиштүү жазасын ала элек", – деп белгиледи депутат.
Бекешев бул маселени мүмкүн болушунча тезирээк чечүүгө чакырды. Ал көйгөйдүн жаралганына 11 жыл өтсө да, ал дагы деле чечилбей жатканын баса белгиледи.
