Бишкек, 21.02.25. /Кабар/. Бүгүн, 21-февраль — Эл аралык эне тил күнүнө карата бир катар инсандарга сыйлыктар тапшырылды. Бул тууралуу Мамлекеттик тил жана тил саясаты боюнча улуттук комиссиядан билдиришти.
Маалыматта белгиленгендей, иш-чарада комиссиянын төрагасы Мелис Мураталиев жана комиссиянын кеңешме органынын мүчөлөрү мамлекеттик тилди өнүктүрүүгө жана тил саясатын өркүндөтүүгө кошкон зор салымдары үчүн сыйлык ээлерине “Кыргыз тили” төш белгисин ыйгарышты.
Сыйлыкка татыгандардын арасында акын, артист, мугалим, илимий кызматкерлер, мугалим, окутуучулар, милиция кызматкерлери бар.
