Бишкек, 29.05.26. /Кабар/. Экономика жана коммерция министри Бакыт Сыдыков "Ачык кабинет:жоопкерчилик аймагы" медиадолбоорунун алкагында журналисттер менен бирге жөө басып, Стандартташтыруу жана метрология борборунун ("Кыргызстандарт") имаратына барды.
Анын жүрүшүндө министр мекеменин ишмердүүлүгү, негизги иш багыттары жана учурда ишке ашырылып жаткан долбоорлор менен таанышты.
Журналисттерге тамак-аш жана айыл чарба продукцияларын сыноочу лабораториянын иши көрсөтүлдү. Бул жерде товарлардын сапатын изилдөө жана белгиленген стандарттарга ылайыктуулугун текшерүү иштери жүргүзүлөт.
Белгилей кетсек, "Ачык кабинет:жоопкерчилик аймагы" медиадолбоору мамлекеттик органдардын ачыктыгын жогорулатууга багытталган жана журналисттерге жетекчилердин, ошондой эле ведомстволук мекемелердин иш процессине реалдуу убакыт режиминде байкоо жүргүзүүгө мүмкүнчүлүк берет.
