Бишкек, 23.03.26. /Кабар/. 24–25-март күндөрү ЕККУнун башкы катчысы Феридун Хади Синирлиоглу Кыргызстанга иш сапар менен келет.
ТИМден билдиришкендей, сапардын алкагында өлкөнүн жогорку жетекчилиги, ошондой эле тышкы иштер министри Жээнбек Кулубаев менен жолугушуулар пландалууда.
Сүйлөшүүлөрдүн жүрүшүндө Кыргызстан менен ЕККУнун ортосундагы кызматташуунун учурдагы абалы жана келечеги сыяктуу аскердик-саясий, экономикалык-экологиялык жана гуманитардык багыттар боюнча коопсуздуктун үч өлчөмү талкууланары күтүлүүдө.
Тараптар ошондой эле аймактык күн тартибиндеги актуалдуу маселелер боюнча, анын ичинде Борбор Азиядагы интеграциялык процесстер, заманбап коопсуздук чакырыктары жана коркунучтары боюнча пикир алмашып, ЕККУнун алкагында мындан аркы өз ара аракеттенүүнүн мүмкүнчүлүктөрүн талкуулашат.
