Бишкек, 15.09.25 /Кабар/. Жогорку Кеңештин төрагасы Нурланбек Тургунбек уулу 2028-жылы боло турган Чыңгыз Айтматовдун 100 жылдыгына карата улуу калемгердин ысымын Тажикстандын борбор калаасындагы негизги көчөлөрдүн бирине ыйгаруу сунушун берди.
Парламенттен билдиришкендей, төрага Нурланбек Тургунбек уулу мындай сунушту Тажикстанга иш сапарынын алкагында Тажикстандын Жогорку Жыйынынын Улуттук Кеңешинин төрагасы Рустами Эмомали менен жолугушуу учурунда айтты.
Өз кезегинде Тажикстандын Жогорку Жыйынынын Улуттук Кеңешинин төрагасы Рустами Эмомали Чыңгыз Айтматовдун чыгармалары тажик элинде да зор кызыгуу менен окуларын айтып, калемгердин ысымын Душанбе шаарындагы көчөлөрдүн бирине ыйгаруу сунушун колдой тургандыгын кошумчалады.
Алсак, Рустами Эмомали Тажикстандын борбор калаасы Дүйшөмбүнүн мэри да болуп эсептелет.
