Бишкек, 30.10.25 /Кабар/. УКМК президенттин Чүй облусундагы өкүлчүлүгүндө шайлоо мыйзамдары боюнча жыйын өткөрдү.
Атайын кызматтан билдиришкендей, жыйынга мамлекеттик жана муниципалдык кызматкерлери катышып, аларга өлкөнүн шайлоо мыйзамдарын так сактоо зарылдыгы, аны бузууга жол берилбестиги, шайлоо процессине кийлигишпөө, ошондой эле "Шайлоону даярдоо жана өткөрүү учурунда Борбордук шайлоо комиссиясы менен ыйгарым укуктуу мамлекеттик органдардын өз ара аракеттенүүсүнүн тартиби жөнүндө" жобонун зарылдыгы тууралуу маалымат берилди.
Мындан тышкары, жолугушуунун катышуучуларына мамлекеттик жана муниципалдык кызматкерлердин саясий нейтралдуулугун сактоо, талапкерлерге парламентке ат салышуу үчүн административдик ресурстарды колдонууга тыюу салуу, үгүт иштерине катышуу жана Кыргыз Республикасынын шайлоо мыйзамдарынын башка жоболорун бузуу талаптары жөнүндө маалымат берилди.
Ошондой эле аларга ар бир мамлекеттик жана муниципалдык кызматкердин өздөрүнө бекитилген аймактагы шайлоо процесси үчүн жеке жоопкерчилиги жөнүндө айтылды.
УКМКнын ушундай эле иш-чаралары Чүй облусу боюнча мэриялардын жана райондук мамлекеттик администрациялардын алдында, укук коргоо органдарынын жетекчилеринин, мамлекеттик жана муниципалдык кызматчылардын, жергиликтүү өз алдынча башкаруу органдарынын кызамткерлеринин, 800дөн ашык адамдын катышуусу менен өткөрүлдү, аларга КР шайлоо мыйзамдарынын жогоруда көрсөтүлгөн нормалары жана талаптары да жеткирилди.
Ошону менен бирге, ыкчам чара көрүү жана КР мыйзамдары менен тиешелүү иш- чараларды жүргүзүү максатында президенттин Чүй облусу боюнча өкүлү Канат Жумагазиевдин жетекчилиги алдында оперативдүү штаб түзүлдү. Ага укук коргоо органдарынын, мамлекеттик жана муниципалдык кызматтардын жетекчилери киришти.
