Бишкек, 16.02.26. /Кабар/. 2026-жылы Жалал-Абад облусунда жалпы 35-500 кВ чыңалуудагы 726 чакырым аба чубалгысы оңдоп-түзөөдөн өткөрүлөт.
Энергетика министрлигинен билдиришкендей, бул иштерди Жалал-Абад электр тармактар ишканасы март айынан тартып ноябрь айына чейин аткарат.
Быйыл жаңылана турган 726 чакырым аба чубалгысы төмөнкү район жана шаарларда жүргүзүлөт:
- Манас шаарында — 46 чакырым;
- Сузак районунда — 150 чакырым;
- Ноокен районунда — 118 чакырым;
- Кочкор-Ата шаарында — 12 чакырым;
- Таш-Көмүр шаарында — 34 чакырым;
- Базар-Коргон районунда — 70 чакырым;
- Базар-Коргон шаарында — 18 чакырым;
- Аксы районунда — 43 чакырым;
- Ала-Бука районунда — 60 чакырым;
- Токтогул районунда — 91 чакырым;
- Токтогул шаарында — 12 чакырым;
- Кара-Көл шаарында — 44 чакырым;
- Чаткал районунда — 13 чакырым;
- Майлуу-Суу шаарында — 15 чакырым.
Муну менен катар:
- 10 541 даана изолятор алмаштырылат;
- 798 даана вибрацияны басаңдатуучу түзүлүш орнотулат;
- 198 даана канаттуулардан коргоочу КЗ-70 үлгүсүндөгү жапкыч коюлат;
- мамычаларга баруучу 70 чакырым жол калыбына келтирилет.
