Бишкек, 09.06.25. /Кабар/. Быйыл Нарын облусунда жогорку чыңалуудагы 9225 даана изолятор алмаштырылат. Бул тууралуу Энергетика министрлигинен билдиришти.
Маалыматка ылайык, бүгүнкү күндө 1846 даанасы алмаштырылды.
Учурда 110 кВ “АГЭС–Ак-Кыя” аба чубалгысында оңдоо иштери жүрүүдө. Бул жерде 583 даана изолятор алмаштырылат. Андан тышкары, чубалгыга тийген бак-дарактарды кыркуу, фазировкаларды, номурларды жаңыртуу, байланыш кошулмаларын бекемдөө иштери да аткарылып жатат. Бул иштер электр чубалгыларын үзгүлтүксүз иштешин камсыздоого багытталган.
Капиталдык курулуш боюнча 35/10 кВ “Талды-Суу” көмөк чордонунан жаңы линия тартылып, зым тирек орнотуу каралган.
