Бишкек, 12.02.26. /Кабар/. 2026-жылы "Кыргызстан улуттук электр тармагы" ААК 268 трансформатор сатып алат. Бул тууралуу Энергетика министрлигинен билдиришти.
Анын ичинен жогорку чыңалуудагы 35-110 кВ тармактарында 20 көмөк чордондо күч трансформаторлорунун кубаттуулугу кошумча 256 МВАга көбөйтүлөт:
- Бишкек шаарында — 2;
- Жалал-Абад облусунда — 5;
- Ысык-Көл облусунда — 5;
- Нарын облусунда — 2;
- Талас облусунда — 2;
- Чүй облусунда — 4.
Керектөөчүлөрдү тейлеген 10/0,4 кВ тармактарында тейлөө сапатын жакшыртуу, үзгүлтүксүз электр энергиясы менен камсыздоо үчүн жалпы 248 даана трансформатор орнотулуп, мунун натыйжасында кубаттуулук кошумча 107 МВАга жогорулайт.
Трансформаторлор облустарга төмөндөгүдөй бөлүштүрүлөт:
- Бишкек шаарына — 46;
- Баткен облусуна — 22;
- Жалал-Абад облусуна — 29;
- Ысык-Көл облусуна — 28;
- Нарын облусуна — 27;
- Ош облусуна — 46;
- Талас облусуна — 42;
- Чүй облусуна — 8.
