Бишкек 11.06.25 /Кабар/. Кочкор районунда 2025-жылга карата электр энергиясы менен камсыздоонун сапатын жогорулатуу максатында оңдоп-түзөө жана реконструкция иштери жүргүзүлүүдө.
Энергетика министрлигинен билдиришкендей, быйылкы жылы жалпы 511 даана трнсформаторду жана 1076,3 чакырым 10/0,4 кВ аба чубалгыларын оңдоп-түзөөдөн өткөрүү мерчемделген.
Буга байланыштуу 2025-жылдын алгачкы төрт айында төмөндөгүдөй иштер аткарылды:
- 190 даана трансформатор капиталдык жана утурумдук оңдолду;
- жалпы 300 чакырым аба чубалгыларын оңдоп-түзөө.
Ал эми капиталдык курулуш иштеринде төмөндөгүдөй иштер каралган:
- 24,5 чакырым 10/0,4 кВ аба чубалгысын толугу менен кайра куруу;
- шыкча жүктөлүш менен иштеп жаткан 12 даана комплекттүү көмөкчү чордондордун (КТП) шкафын заманбап шаар тибиндеги ГКТПларга алмаштыруу каралган.
- 929 даана АСКУЭ электр эсептегичтерин алмаштыруу
- III Элдик rурултайда көтөрүлгөн маселе боюнча жалпы 10/0,4 кВ 1,9 км аба чубалгы жаңы куруу, 1 даана 10/0,4 кВ күчтүк трансформатор орнотуу;
- 1 даана реклоузер жабдыгын орнотуу.
