Бишкек, 02.02.26. /Кабар/. Бишкектин Өскөн-Ордо конушуна 750 орундуу жаңы мектеп курулат. Бул тууралуу Курулуш, архитектура жана турак жай коммуналдык чарба министрлигинен билдиришти.
Долбоорго ылайык, мектеп 3 кабаттуу бардык шарты менен салынат. Бүгүнкү күндө долбоордук-сметалык документтери даярдалып, курулуштун алгачкы этабы башталуу алдында турат.
Курулуш иштери республикалык бюджеттин эсебинен каржыланып, Курулуш министрлиги тарабынан ишке ашырылат.
Белгилей кетсек, президент Садыр Жапаровдун тапшырмасына ылайык, 2026-жылы Бишкек шаары боюнча жаңы 20 мектеп салынат.
