Бишкек, 12.02.26. /Кабар/. Биздин максатыбыз — Бишкекти заманбап, кооз, коопсуз жана ыңгайлуу шаарга айлантуу. Бул тууралуу шаар жетекчиси Айбек Жунушалиев бүгүн мэриянын коллегиясында билдирди.
Анда ал мэриянын 2026-жылга карата негизги максаттарын белгиледи.
"Шаарыбыз өнүгүп жатат жана биз чечүү зарыл болгон жаңы милдеттер жана кыйынчылыктарга туш болуп жатабыз. 2026-жыл — борбор калаа үчүн масштабдуу өзгөрүүлөрдүн жана жакшыртуулардын жылы. Биздин максатыбыз — Бишкекти тургундар сыймыктанган заманбап, кооз, коопсуз жана ыңгайлуу шаарга айлантуу", — деп белгиледи калаа башчысы.
Мэриянын быйылкы негизги багыттары:
- жол тыгындарын азайтуу, жол инфраструктурасын өнүктүрүү жана шаардык инновацияларды ишке ашыруу;
- турак жай жана мамлекеттик кызмат көрсөтүүлөрдүн сапатын жакшыртуу;
- социалдык инфраструктураны куруу;
- башаламан курулуш, жөнгө салынбаган соода жана социалдык коргоо маселелерин чечүү;
- экологияны жакшыртуу, ышты азайтуу жана туруктуу шаардык экосистеманы куруу.
