Бишкек, 10.03.26. /Кабар/. Бишкек шаарынын мэри Айбек Жунушалиев курулуш, архитектура жана турак жай-коммуналдык чарба министри Нурдан Орунтаев менен бирге реконструкциядан өткөн №39 орто жалпы билим берүү мектебине барышты.
Муниципалитеттен билдиришкендей, алар класстардын, спорт залдын жана футбол талаасынын абалын карап чыгышты.
Мектептин аймагында ижарага берилген бөлмө да аныкталган. Мэр тиешелүү кызматтарга анын мыйзамдуулугун текшерип, мындай ишмердүүлүктү токтотууну тапшырды.
Реконструкциянын алкагында имаратка капиталдык оңдоо иштери жүргүзүлүп, мектеп аймагы көрктөндүрүлүп, футбол талаасы курулуп, жашылдандыруу иштери аткарылган.
2025-2026-окуу жылында мектепте 55 класста 1 648 окуучу билим алууда.
