Бишкек, 25.02.25. /Кабар/. Бишкекте унаа тетиктерин саткан дүкөндөн өрт чыгып, 12 бөлүм тартылды. Бул тууралуу Өзгөчө кырдаалдар министрлигинен билдиришти.
Маалыматка ылайык, бүгүн, 25-февралда саат 02:19да П.Лумумбы жана Профсоюзная көчөлөрүнүн кесилишинде жайгашкан унаа тетиктерин сатуучу дүкөндөн өрт чыккандыгы тууралуу маалымат түшкөн.
Тилсиз жоону өчүрүүгө жалпы 12 бөлүм жана штаб тартылган.
Мындан тышкары, райондук элекр тармактарынан 1 бригада, Ички иштер министрлигинен 4 экипаж жана "Бишкек" тазалык муниципалдык ишканасынан 3 суу ташуучу унаа тартылган.
Өрт 06:04тө чектөөгө алынды.
Алдын ала маалымат боюнча, жабыркагандар жок. Учурда өрттү толук өчүрүү иштери жүрүп жатат.
Кошумча маалыматтар берилет.
