Бишкек, 26.06.26. /Кабар/. Бишкекте Шанхай кызматташтык уюмунун "Аялдардын лидерлиги" темасындагы аялдар форуму өз ишин баштады.
Эмгек министрлигинен билдиришкендей, иш-чара 26-27-июнда Кыргызстандын 2026-жылы ШКУга төрагалыгынын алкагында өтүүдө.
Форумга ШКУга мүчө мамлекеттердин мамлекеттик органдарынын өкүлдөрү, эл аралык уюмдардын өкүлдөрү, жарандык коомдун мүчөлөрү, эксперттер, ишкер айымдар жана аялдар кыймылынын лидерлери катышууда.
Жолугушуунун негизги темасы – аялдардын коомдук-саясий жана экономикалык турмуштагы ролун кеңейтүү, ошондой эле аялдардын туруктуу өнүгүү процесстерине катышуусу үчүн жаңы мүмкүнчүлүктөрдү түзүү.
Форумдун алкагында катышуучулар аялдардын лидерлиги, чечим кабыл алуу процесстерине аялдардын катышуусу, экономикалык өнүгүү, гендердик теңчилик жана аймактагы мамлекеттердин ортосундагы кызматташтык маселелерин талкуулашат.
