Бишкек, 04.02.26. /Кабар/. 3-февралда Бишкек шаарындагы билим берүү уюмдарында пландан тышкаркы көчмө текшерүүлөр №66 мектепте уланды.
Муниципалитеттен билдиришкендей, текшерүүнүн жүрүшүндө балдардын коопсуздугун камсыз кылуу боюнча бир катар мыйзам бузуулар аныкталды. Атап айтканда, "Kampa kg" коммерциялык объектисине тиешелүү товарларды түшүрүү үчүн жүк ташуучу унаанын мектептин аймагына киргендиги катталды.
Натыйжада "Kampa kg" дүкөнүнө карата административдик чаралар көрүлүлүп, мектеп аймагына мыйзамсыз кирген айдоочуларга административдик протоколдор түзүлдү.
Мындан тышкары, билим берүү процессин уюштурууга жана мекеменин аймагында тийиштүү тартипти камсыз кылууга байланыштуу эскертүүлөр берилип, тиешелүү тапшырмалар жүктөлдү.
