Бишкек, 05.06.26. /Кабар/. Бүгүн, 5-июнда "Ала-Арча" мамлекеттик резиденциясында кыргыз-беларусь бизнес форуму өтүүдө.
Иш-чара Кыргызстандын Соода-өнөр жай палатасы тарабынан уюштурулган.
Бизнес форум Беларустун премьер-министри Александр Турчиндин Кыргызстанга болгон расмий сапарынын алкагында өткөрүлүп жатат.
Беларусь делегациясынын курамында Соода-өнөр жай палатасынын, экономиканын ар кандай тармактарын чагылдырган 40ка жакын ири беларусь компанияларынын өкүлдөрү бар.
Форум кыргыз-беларусь соода-экономикалык кызматташтыгын өнүктүрүүнүн келечегин талкуулоо, кооперативдик байланыштарды кеңейтүү, биргелешкен инвестициялык долбоорлорду ишке ашыруу жана эки өлкөнүн ишкерлеринин ортосунда түз сүйлөшүүлөрдү жүргүзүү үчүн маанилүү аянтча болот.
