Бишкек, 18.05.26 /Кабар/. Бүгүн Бишкекте "Газпром балдарга" дене тарбия-ден соолукту чыңдоо комплексинде кармаш уруш боюнча дүйнө чемпионаты башталды. Бул тууралуу Дене тарбия жана спорт мамлекеттик агенттигинен билдиришти.
Мелдеште дүйнөнүн 20 өлкөсүнөн келген катышуучулар "бой" жана "демобой" дисциплиналарында күч сынашууда.
"Бой" дисциплинасы боюнча эркектер: -57 кг, -62 кг, -67 кг, -73 кг, -80 кг, -88 кг, -97 кг, 97+ кг салмак категорияларында, ал эми кыз-келиндер: -48 кг, -53 кг, -58 кг, -64 кг, -70 кг, 70+ кг салмак категорияларында күч сынашат.
"Демобой" дисциплинасы боюнча эркектер: -62 кг, -73 кг, -88 кг, 88+ кг салмак категориясында, ал эми кыз-келиндер -58 кг жана 58+ кг салмак категориясында беттешет.
