Бишкек, 15.10.25 /Кабар/. Бүгүн Бишкек шаарындагы Гагарин жана Иманалиев көчөлөрүнүн кесилишинде жаңы спорттук аянтча ачылды. Бул тууралуу мэриядан билдиришти.
Муниципалитеттен маалымдашкандай, эми “Ак-Ордо-2”, “Ак-Ордо-3” жана “Ала-Тоо-3” (“Эркин-Тоо”) конуштарында жашаган 20 миңден ашык тургун спорт менен машыгууга, активдүү эс алууга жана коомдук иш-чараларга активдүү катышууга мүмкүнчүлүк алган заманбап жайга ээ болушту.
Долбоордун жалпы наркы 12,6 млн сомду түздү. Анын ичинен 8,2 млн сом Швейцария тарабынан, ал эми 4,4 млн сомун Бишкек шаарынын мэриясы каржылады.
Белгиленгендей, Швейцария 2022-жылы “Аракет” долбоорун баштап, жаңы конуштардагы жашоочулардын жашоо сапатын жакшыртууга багытталган иш-аракеттерди колго алган. Бүгүнкү күндө долбоорго ылайык, 11 жаңы конушту – Бишкекте 7 жана Ошто 4 жаңы конушту камтыган.
