Бишкек, 29.05.26. /Кабар/. Бишкекте эл аралык финансылык форум өтүүдө. Иш-чарада финансы тармагындагы санариптик жаңы технологиялар жана киберкоопсуздук маселелери талкууланат.
"Кабар" агенттигине Кыргызстандын банктар бирикмесинин президенти Анвар Абдраев билдиргендей, бул форум ушуну менен 12-ирет өткөрүлүүдө.
"Форумга 15тей өлкөдөн өкүлдөр келишти. Алар бул иш-чарада өздөрүнүн тажрыйбасы менен бөлүшөт. Жаңы технологиялар өнүгүп жатса да, тилекке каршы, алдамчылык көрүнүштөрү катталууда. Мындан улам биз өнөктөштөр менен жарандардын банктык эсептериндеги каражаттардын коопсуз сакталышы үчүн чараларды күчөтүү маселелерине басым жасап жатабыз. Форумда эксперттердин, адистердин ой-пикирлери талкууланат", — деди ал.
