Бишкек, 03.04.26 /Кабар/. Бишкек мэри Айбек Жунушалиев "Бишкекжашылкурулуш" муниципалдык ишканасынын питомнигине барып, отургузулуучу көчөттөрдү көрдү.
Муниципалитеттен билдиришкендей, учурда питомниктин аймагына болжол менен 50 000 даана көчөт алып келинген. Бүгүнкү күнгө чейин 30 000 даана дарак көчөтү отургузулду.
Мэр иштердин ылдамдыгын күчөтүүнү тапшырды. Айрыкча инфраструктураны жакшыртуу, питомниктин кызматкерлери жана келген жарандар үчүн ыңгайлуу шарттарды түзүү, эс алуу зоналарын уюштуруу жана бул жайды өзгөчө экинчи Ботаникалык бакка айландыруу белгиленди.
