Бишкек, 10.12.25. /Кабар/. Бүгүн Бишкекте Борбор Азия киберюридикалык форуму өтүүдө.
Иш-чарага санариптик өнүктүрүү жана инновация министри Азамат Жамангулов, Башкы прокуратуранын өкүлдөрү, экономика жана коммерция министринин орун басары Чоро Сейитов, юристтер жана стартапчылар катышууда.
Форумдун максаты:
- санариптик доордо укуктук системада болуп жаткан өзгөрүүлөрдүн жалпы көрүнүшүн түзүү;
- юристтердин, судьялардын, академиктердин жана укук системасынын башка катышуучуларынын алдында турган негизги көйгөйлөрдү талкуулоо;
- жаңы технологияларды жана санариптик инновацияларды укуктук жөнгө салуу үчүн чечимдерди табуу;
- билимдин жана юридикалык илимдин өзүнчө тармагы катары санариптик укуктун өнүгүшүнө дем берүү;
- мыйзамдарды жана укук колдонуу практикасын өркүндөтүү боюнча сунуштарды берүү.
