Бишкек, 04.02.26. /Кабар/. Бишкекте Тыныстанов көчөсү, 30/1 дарегиндеги суу түтүктөрүндөгү аварияга байланыштуу ичүүчү суу берүү убактылуу токтотулду.
Мэриянын маалыматына ылайык, Медеров көчөсүнүн Панфилов көчөсүнөн Совет көчөсүнө чейинки бөлүгү, ошондой эле Медеров көчөсүнөн Кулатов көчөсүнө чейинки аймакта суу өчүрүлдү.
Учурда "Бишкексууканал" муниципалдык ишканасынын авариялык бригадасы калыбына келтирүү иштерин жүргүзүп жатат.
