Бишкек, 23.03.26. /Кабар/. Бишкекте 40 чакырымдан ашык эскирген электр линиялары жаңыланат. Бул тууралуу Энергетика министрлигинен билдиришти.
Ведомствонун маалыматына ылайык, бул иштер 2026–2027-жылдардын күз-кыш мезгилине даярдык көрүү максатында аткарылууда.
2026-жылы борбор калаада 40миң 700 чакырымдан ашык СИП-кабелди тартуу жана реконструкциялоо каралган. Иштер марттан ноябрга чейин жүргүзүлүп, шаардын негизги электр тармактарын камтыйт.
Райондор боюнча карасак:
Чыгыш РЭТ— 4,5 км;
Батыш РЭТ— 21 420 км;
Түндүк РЭТ— 19 272 км.
Долбоордун алкагында төмөнкү иштер аткарылат:
- эскирген электр линияларын жаңылоо,
- эски зымдарды заманбап изоляцияланган СИП-кабелдерге алмаштыруу,
- жаңы тирөөчтөрдү орнотуу жана учурдагы конструкцияларды бекемдөө,
- жаңы абоненттерди кошуу жана турак жай массивдериндеги тармактарды өнүктүрүү,
- иштеп жаткан линиялардагы жүктөмдү азайтуу,
- электр энергиясынын техникалык жоготууларын азайтуу.
