Бишкек, 19.05.26. /Кабар/. Бишкекте мыйзамсыз менчиктештирилген мүлк мамлекетке кайтарылды. Бул тууралуу Башкы прокуратурадан билдиришти.
Маалыматка ылайык, Октябрь районунун прокуратурасы тарабынан жүргүзүлгөн текшерүүдө спорт комплекстин аймагындагы сүзүү бассейнине тиешелүү көмөкчү жайлар мыйзамсыз түрдө жеке жактарга өтүп кеткендиги аныкталган. Жалпы аянты 174,6 чарчы метрди түзгөн бул мүлк 1993-1997-жылдары мамлекеттик менчикте турган.
Көрүлгөн прокурордук чара көрүү актыларынын жыйынтыгында баасы 32 млн 840 миң сом болгон объект мамлекеттин карамагына кайтарылды.
