Бишкек, 18.04.26 /Кабар/. Быйыл Бишкек шаарында болжол менен 120 чакырым жолду куруу жана оңдоо пландалууда. Бул тууралуу мэр Айбек Жунушалиев “Биринчи радионун” түз эфиринде билдирди.
Анын айтымында, анын ичинен 100 чакырым жол оңдоп-түзөөдөн өткөрүлүп, ал эми 20 чакырымы жаңы салынат.
Мэр белгилегендей, акыркы жылдары жол куруу иштери кыйла ылдамдап, мурда жылына 20 чакырым гана жол салынса, 2024-жылы 62 чакырымга, ал эми 2025-жылы 92 чакырымга чейин жеткен.
Мындан тышкары, шаарда көпүрөлөрдү куруу жана чыгыш, батыш жана түндүк транспорттук айланма жолдорун куруу иштери да жүрүп жатат.
