Бишкек, 18.05.26 /Кабар/. Бишкекте 20 чакырымдан ашык жаңы кабелдик линиялар тартылат. Бул тууралуу Энергетика министрлиги билдирет.
Маалыматка ылайык, электр тармактарындагы кабелдик линиялардын бир бөлүгү 1970-жылдары курулгандыктан, алардын техникалык абалы жаңылоону талап кылат. Мурда колдонулган кабелдердин эксплуатациялык мөөнөтү орточо 25 жыл болсо, учурда колдонулуп жаткан заманбап кабелдердин кызмат өтөө мөөнөтү 25–40 жылды түзөт.
Быйыл 10 кВ чыңалуусундагы 20 чакырымдан ашык кабелдик линияларды куруу жана реконструкциялоо пландалууда.
Иштер төмөнкү участоктордо жүргүзүлөт:
- Токтогул көчөсү / Эркиндик бульвары;
- "Пишпек" көмөк чордону;
- Ак-Тилек жаңы конушу;
- "Абдыкалыков" көмөк чордону (7-8-10-кичи райондор);
- Элебесов көчөсүнөн Чоң Чүй каналынын боюндагы Үсөнбаев көчөсүнө чейин.
Бүгүнкү күндө жалпы узундугу 3 чакырым кабелдик линиялар тартылып бүттү.
